البارحــه x حمـــدان المــري x

يـا الله يـا مستجيـب لدعـوة الـداعـي
إلـيـا دعيـتـك بدعـواتـي تقبـلـهـا

يا مـن لـك أرقابنـا لرضـاك خضاعـي
لوجهـك وغيـر وجهـك مــا ننزلـهـا

تبطـي بعثـرة قـدم رجلـي ووقـاعـي
فـي عيـن مـن يحتريـهـا ويتحبلـهـا

البارحـه لا نــي بنـايـم ولا واعــي
مـا أمسيـت نفسـي تجادلنـي واجادلهـا

أدرس وأفكر وأراجـع بعـض الأوضاعـي
والنفـس مـن كثـرة التفكيـر مشغلهـا

ماني على الهـون والحقـران مطواعـي
والسالـفـه قـمـت أفسـرهـا وأحللها

يـا كـود حوالـي ويـا هـون مطلاعـي
دامـي مـن اللـي رفيعـات" منازلـهـا

يبيـد حيـل الزمـن مـا يلـوي ذراعـي
ياللي تبـي حاجـة" مـا انـت بمحصلهـا

الحزن مـا همنـي يـا شيـن الأطباعـي
أن كان بـه كلمـة" فـي خاطـرك قلهـا

لا تحسـب أن الرعيـه مالهـا راعــي
كرامتـي عزهـا مــن عــز ناقلـهـا

الكون ما ضاق بـي وفجوجـه اوساعـي
أبخس فجـوج الخـلا وأعـرف مداهلهـا

لو جار حزنـي علـي وكسـر أضلاعـي
ما ضقت لـو تستضيـق الأرض بأكملهـا

ما عـاد كلمـة أحبـك تطـرب أسماعـي
وصورتك مـا عـاد بـه شـي" يجملهـا

تـدري وش اللـي عرفتـه يـوم وداعـي
أنـك مـا تستاهـل الرفقـه مـن أولهـا

صحيح بعـض المشاعـر مالهـا داعـي
لـكـن ذي غلطـتـي وأنــا أتحملـهـا

صـح لســانـكـ يالمـــــــري .. ان شاء الله تعجبكم

يعطيك العافيه/مرسى الخيال

ابداع متواصل تشكر عليه

لك خالص الشكر والتقدير

_________________

أخي مرسى الخيال

قصيدة مؤثرة جداً

جزيل الشكر لك عليها

مع تحياتي

يؤ يؤ دمعت عيني Sleep